1862 var merkilegt ár,
þá fékk Akureyri kaupstaðarréttindi að nýju og hefur haldið þeim réttindum síðan þá.
Akureyri á afmæli í dag - til hamingju Akureyringar!
Gott ef ekki þá reiknast mér til að
Akureyrarbær sé ári eldir en
Þjóðminjasafnið. Það verður mikið um dýrðir. Akureyrarvaka í kvöld og á morgun, hápunktur hátíðarinnar verður eflaust í Kaupangi við Mýraveg kl. 15:00 á morgun þegar
Vörður, félag
ungra sjálfstæðismanna, á Akureyri heldur aðalfund sinn. Þess utan reikna ég með að ungir sjálfstæðismenn sem og aðrir Akureyringar taki virkan þátt í menningarvökunni!
Það gleðilegasta við daginn í dag er það að vottað er að einn
blaðrari hefur séð ljósið Færeyjar, óska ég
Braga til hamingju með það! Það bætir nú að nokkru fyrir
hvarf annars.
En aftur að Færeyjum, fyrirheitnalandinu Færeyjum, Íslendingar náðu því einstæða afreki að sigra Færeyinga í Knattspyrnu, vil ég nota tækifærið og óska aðstandendum Íslenska landsliðsins til hamingju með árangurinn. Færeyingar létu það ekki á sig fá og er nú rætt um skipun enn eins menningarmála ráðherrans, en eins og allir vita hefur Högni Hoydal gengt embættinu frá því að Annlis reyndi að ráða danskan þjóðminjavörð, það er alltaf sama sagan með Tjóðveldismenn. Nú er það Anníta á Friðriksmörk sem er hugsanlegur og sennilegur kandídat skv.
bestu fáanlegu heimildum. Ólíkt Annlis er Anníta nú þegar búin að ljúka kennaranámi eins og sést í fylgi skjalinu og er það óskandi að hún tolli því lengur í starfi.
Annað sem sýnir vel rólegt yfirbragð Færeyja er að svo virðist sem lögreglan skipti sér varla að nokkrum hlut, öðrum en Íslendingum sem á í Færeyjum á leið sinni með eitur til Fróns, ef grænu hryðjuverkamennirnir eru ekki nærri. Því það er ár síðan Jenis av Rana var áreittur á ógnvekjandi hátt en Lögreglan er sögð hafa gert lítið, ég þakka fyrir að
Geir Jón, Steini Pjé, Óli Ásgeirs og þeirra vökulu vinir hafa enn áhuga á starfinu. en svo hefur heyrst að
Verðir hafsins séu þegar farnir að pússa flotann fyrir mótökurnar þegar grænu hryðjuverkamennirnir koma. En þrátt fyrir að löggæslan okkar sé kvikari en sú í Færeyjum þá eru Færeyskir útvegsmenn vakandi yfir þróun mála og taka fullan þátt í
framgangi sjávarútvegsins og er það vel.
En það er ekki það eina því nú er
Högni, "vinur " Steingríms J. og fleiri, orðin að nokkurskonar fyrirmynd fyrrverandi borgarstjóra, þar sem fyrrverandi borgarstjóri vonast eftir frama í pólitík, seinna. Þannig er mál með vexti að fram að Lögþingskosningunum 1998 var Högni einungis starfsmaður Sjónvarps Færeyja, sem varð árið 2000 Signari á Brúnni, þáverandi menningarmálaráðherra, að aldurtila í pólitík. En Högni fór af stað innan Tjóðveldisflokksins og veifaði lokaverkefni sínu úr Háskóla í
Flötu-löndunum framan í Færeyska alþýðu. Í þessu verkefni á hann að hafa búið til skólabókar dæmi um það hvernig Færeyingar gætu spjarað sig án danskra íhlutunar. Færeyingar tóku þessu fagnandi, enda illa leiknir af
dönskum jafnaðarmönnum og
danska bankakerfinu, hann var vel tímasettur, stundvís, vissi hvað tímanum leið. Samt sem áður miðar þetta hægt en miðar þó. Framganginn má þakka stefnu, staðfestu og stjórnvisku
Anfinns Kallsbergs.
Eyðimerkur gangan hefst
Að vísu er ólíkt með Högna og fyrrverandi borgarstjóranum, að Högni fjallaði um það hvernig þjóð sín gæti sloppið frá óvættinum og það varð hans vegsauki, en borgarstjórinn ætlar sér að skrifa um það í þrjá mánuði hvernig þjóðin komist hjá því að taka eftir því að hún verði gersamlega gleypt af
risastóra stóra fyrirbærinu. Þannig ætlar borgarstjórinn fyrrverandi að undir búa "frama" sinn í pólitík eftir rúmlega 700 daga, hundrað langar vikur í pólitík. Ja ekki er ráð nema í tíma sé tekið, en verður þá ekki mikið vatn runnið til sjávar og umhverfið allt annað. Skárra væri að hafa aðhaldssama stjórnar andstöðu, en stjórnar andstöðu sem ætlar vísvitandi að frysta sig í tvö ár.
Einhvern tíman gældu vinstri menn við það slá vopnin úr höndum Sjálfstæðisflokksins í veikri von um að geta leikið leik Tonys Blairs eftir, þ.e. baráttu hans við Íhaldsflokkinn þegar Tony komst til valda. Því þeir þóttust vera betri sjálfstæðisflokkur en Sjálfstæðisflokkurinn er, vegna þess að þeir væru líka með [hryllings]sögu samfylkingarinnar í farteskinu. En nú þykir mér þeir ganga fulllangt. Sú eina bið sem var pínlegri en biðin eftir Godot var biðin eftir
Birni Bjarnasyni, og gerðu margir óspart grín að sjálfstæðismönnum fyrir þá bið sem varaði í nærri ár og dró að sumra mati tennurnar úr sjálfstæðismönnum í Reykjavík þegar til kosningabaráttunnar kom. En nú ætla Samfylkingarmenn enn einu sinni að reyna að toppa Sjálfstæðismenn og það tekst þeim eflaust, ef ekki með vitlausum formerkjum þá á vitlausum forsendum. Því þeir geta beðið í tvö ár eftir borgarstjóranum fyrrverandi, það efast ég ekki um. Líkt og vinstrimenn bregðast sjaldnast röngum málstað, þá bregst það tæpast að atburðarrás undir stjórn vinstri manna endar ávallt með ósköpum.
Enginn er annars
bróðir í leik.
Vonast er eftir drengilegum og skemmtilegum leik sem verði báðum þjóðum til sóma.
Megi betra liðið vinna án þess að verða fullt af yfirlætislegum dónaskap.
Hvalveiðarnar eru hafnar fyrir alvöru, fyrsti Tarfurinn hefur verið skotinn. Af því tilefni vil ég óska
Íslendingum til hamingju með daginn. Reyndar skorast ég undan áskoruninni,
þakka þó góð orð, en birti ekki hér það sem hefur áður verið
birt annarsstaðar.
Helgin var með ágætasta móti, ég skrapp austur á hérað og hitti þar fólk sem ég hafði ekki hitt í tíu ár í einu lagi. Það er nokkuð skondið en það er bara þannig að eftir því sem tíminn líður þá aukast líkurnar á því að maður geti sagt að það sé "þetta" langur tími síðan maður gerði eitthvað. Ætli það sé ekki þjóðinni fyrir bestu að sumir séu æstari en ég að viðhalda mannkyninu. Helgin varð hin mesta skemmtun. Hvort sem það var spjallið í Egilsstaðaskógi eða grillið á Ekkjufelli. Ég tel að fögnuðurinn hafi farið vel fram, enda drukku þeir sem drukku, einungis annan hvern sopa - er það vel. Heimturnar voru ekki hundrað prósent en ég tel að hafbeitar menn hefðu verið í skýjunum með þær heimtur sem fengust þarna. Það sannaðist hið fornkveðna að maður er manns gaman og gott fólk þarf ekki aðkeypt skemmtiatriði til þess að skemmta sér.
Jæja
Þá eru flestir búnir að jafna sig eftir verslunarmannahelgina. Vert er að muna eftir því sem Starkaður sagði í einræðum sínum og Einar Ben færði í letur:
"[...]
aðgát skal höfð í nærveru sálar
[...]"
Næst þegar skemmtanir eru auglýstar. Börn eiga ekkert með það að vera útúrdrukkin, hvorki heima hjá sér, í þéttbýi né í dreifbýli. Þangað til Reykjavík og nágrenni segja sig úr lögum við Íslendinga eða Ísland segir sig úr lögum við Reykjavík og nágrenni, þá gilda sömu lög og sömu reglur um allt land, hvort sem er í áfengismálum eða í samgöngumálum.
Annars sagði sendiherra Akureyringa í Reykjavík, formaður verkefnisstjórnar Byggðaáætlunar Eyjafjarðar og nýorðinn formaður Leikhúsráðs Akureyrar einhverju sinni að það væru nokkrar fréttir sem væru þreyttar fréttir þrátt fyrir annars gott fréttasumar.
Ein þeirra frétta,
sem á e.t.v. hvað lengstan aðdraganda, ásótti okkur aftur í
dag. Ég reikna með að einhvern tíman fari að sjá fyrir endann á þessari frétt því eigandi viðfangsefnis fréttarinnar
var sagður í útvarpsfréttum ætla að hætta að gefa út fréttatilkynningar um viðfangsefni fréttarinnar.
