Gleðilega jóla rest
Hafði það mjög gott um jólin þó að ég gataði allt sem gatað varð á FM Akureyri. Enda verð ég sennilega seint talinn holdgerfingur þess sem þar var leikið.
Ja svei mér þá ef jaxlinn var
ekki sannspár um fráfarandi borgarstjóra þeirra fyrir sunnan. Eins og einhver sagði um
tilkynningu borgarfulltrúa framsóknarmanna og vinstri og grænna í Reykjavík að þeir hefðu rekið Ingibjörgu, vel má vera að eitthvað sé hæft í því annars er það ljóst að þeim brást bogalistin með
braki og brestum gærdagsins
Hafi menn séð Stellu í Framboði, hljóta menn að spyrja; hvar á Ingibjörg sumarbústað? Þórólfur vann einu sinni hjá Olís.. Annars er þetta nokkuð hnyttið að kenna
öðrum um það að geta ekki staðið við
loforð sitt en minnast ekki á
hitt loforðið sem greinilega stendur ekki til að verði efnt. Ákveðið er að fara í framboð og breyta þar með útaf því sem
áður var sagt og láta viðbrögðin fara í taugarnar á sér og kenna samstarfsmönnum um að hún geti ekki setið áfram sem borgarstjóri. Hún gat alltaf hætt við framboð og haldið þannig áfram sem borgarstjóri. Nei þá var það orðinn sjálfsagður réttur hennar að setjast á lista sem væri borinn fram til Alþingiskosninga þó að hún segði að hún væri ekki leið í þingframboð. Er nema von að þetta sé ruglingsleg efnisgrein þegar Ingibjörg hring snýst svona.
Nóg um leiðindin, Kristján Þór stendur sig vel.
Annars ætla ég heim og halda hátíðlega upp á árvissan þátt í lífi mínu, áramótin. Undirbúningur hátíðarinnar hefst strax í kvöld...
Ég spyr bara:
hvar er áramótaspá Baggalúts???
gleðilegt nýtt ár með þökk fyrir viðkynninguna sem var með ánægjulegasta móti.
Þorláksmessu vetri á þjóðlega, þessa jólakveðju sendi
og á aðra
íslenska bendi, Að skötu áti loknu, náttúrulega
Gleðileg jól
Það styttist í jólin
Og í tilefni dagsins í dag þá vil ég leyfa mér að koma hérna fyrir kveðskap sem flestir ef ekki allir þekkja, þó hann sé ekki eftir mig, vísurnar eru eftir mér þekktari mann hann Jóhannes úr Kötlum. Hurðaskellir er sagður af sumum vera á stjái allt árið, skellandi hurðum í tíma og ótíma.
Sjöundi var Hurðaskellir, sá var nokkuð klúr,
ef fólkið vildi í rökkrinu fá sér vænan dúr.
Hann var ekki sérlega hnugginn yfir því,
þó að harkalega marraði hjörunum í.
Fréttir af samkeppnisaðila Eimskips sem breytir reyndar ekki miklu fyrir Eimskip svona fyrst í stað. Reyndar er aðalega verið að ræða um formbreytingu á eignar haldi en .Þetta vakti
athygli manna í Færeyjum, sem er ekki skrýtið.
Hátíð er eyjunum í
Því nú fá menn að bruna eftir jarðgöngum milli Straumeyjar og Voga Hálfu ári á undan áætlun. Til hamingju Færeyingar.
Þetta er frábært.
Er Viðskiptablaðið þess virði?
Ég meina mér þætti nær að fjalla um
Morgunblaðið á þessum nótum. En það er bara ég.
Vá.
Guð minn góður, hvað það er lítið í gangi hjá mér. Ég bara veit ekki, en svona fyrsta kastið þá fór ég að hugleiða það hvort að engin próf merki það sama og ekkert jólaskap. En annað sem engin próf merkja örugglega er minna blaður. Það er augljóst hvort tveggja á samanburði magns og gæða blaðurs míns við blaður annarra blaðrara. Að ég stend meðal-blaðrara langt að baki. Ekki er ég í prófum en nokkrir blaðrarar kjósa að blaðra um prófin og undirbúning sinn fyrir áðurnefnd próf.
Ramadan er lokið en mér er ekki öllum lokið.
Varðarmenn grimmir
"Vörður, félag ungra sjálfstæðismanna á Akureyri, lýsir undrun sinni á þeim undirtektum sem fyrirspurn varaþingmanns Samfylkingarinnar, Örlygs Hnefils Jónssonar, hefur fengið í fjölmiðlum um 19 km styttingu hringvegarins. Vörður minnir á mun raunhæfari hugmyndir Halldórs Blöndals sem birtust í grein hans á Íslendingi, 10. febrúar 2002, um Norðurveg, sem styttir leiðina milli Akureyrar og Reykjavíkur um heila 85 km. Kostnaður af þeirri styttingu yrði um það bil 8.1 milljarður, þar af eru þegar inn á vegaáætlun 2,7 milljarðar vegna 30 km styttingu um Kaldadal.
Ef gert er ráð fyrir álíka hlutfallslegum sparnaði af þeirri framkvæmd, myndu um 1900 milljónir sparast á ári, á móti 400 milljóna sparnaði fyrir 19 km styttingu. Þessar framkvæmdir myndu því borga sig upp á innan við 5 árum. Vörður lýsir yfir fullum stuðningi við tillögur Halldórs og bendir Örlygi á að kynna sér þær og styðja sé honum stytting hringvegarins kappsmál.
Grein Halldórs má finna hér
Stjórn Varðar, f.u.s. á Akureyri", Svo mörg voru þau orð.
Þetta er gott framtak hjá
Laurent,
Guðmundi,
Víði,
Stefáni,
Atla Þór, (
Atla Hafþórs,
Bergi og
Jónu, þessi þrjú síðast nefndu eru í varastjórn)
Ef menn ætla sér að stytta vegalengdina milli Akureyrar og Reykjavíkur er betra að gera það almennilega heldur en að vera með einhverjar smáskammtalækningar sem skila litlu sem engu.
Ástþór lætur sér vistina forðum ekki að kenningu verða en heldur uppteknum hætti og nú verða fleiri og fleiri fyrir því óláni að fá sendingu frá Ástþóri Magnússyni eins og fram kom í fréttum sjónvarpsins í gær. Ég vil tæpast vita hvað hann lætur sér detta næst í hug.
Annars þá gengu hátíðahöldin fremur rólega fyrir sig um helgina hvað sem
Baggalútur kann að hafa sagt. Ég veit ekki hvort blaðurþurrð mín hér standi fyrir einhver af mínum helstu lyndiseinkennum, kannski
Eva gæti svarað því?
En það er í það minnsta nóg í gangi þessa dagana
SUS mótmælti í gær. Stjáni Blái er bara helvíti góður bæjarstjóri. Hann sker ekki niður hann er að hemja útgjalda aukninguna. Ef útgjaldaaukningin og svo útgjöldin verða ekki hamin þarf að skera niður þjónustu síðar. Á fundi í gær sem haldinn var með fulltrúum Framsóknarflokks og Sjálfstæðisflokks í fastanefndum
Akureyrarbæjar kom í ljós hverjir höfðu skoðanir og hugmyndir. Það sem kom mér mest á óvart var að frá því að svipaður fundur var haldinn 20. nóvember hafði andagift framsóknarmannanna ekkert aukist. Ekkert. Það er ógnvænlegt. En hinsvegar var meira lífsmark með þeim í gær en á fyrri fundinum.
Íslendingar
Til hamingju með daginn
1918-2002
áttatíu og fjögra ára fullveldi
Fullveldið lifi, Ísland lifi
Íslandi allt.
